UM ENDURO
Enduro er sport þar sem að hjólin eru í flestum tilfellum götuskráð, með ljósum og tryggð. Munurinn á enduro og motocrosshjóli er að endurhjól eru mildari vél, víðari gírkassa, mýkri fjöðrun og stærri bensíntank. Margir gera þau mistök að kaupa sér Motocrosshjól og ætla að nota það sem endurohjól.
Á íslandi er keppt í enduro og er fyrikomulagið þannig að keyrt er í ca 10km langan hring í 90 mínútur.
Sá sem fer flesta hringi á styðsta tímanum vinnur, þetta fyrikomulag hefur verið
Kallað Enduro fyrir alla og er hugsað til að nýliðar geti komist hringinn áfallalaust.
Einnig er keppt í Hardenduro sem er þar sem eru oft erfiðar hindranir þar sem reynir mikið á mann og hjól. Margir stunda enduro í styttri eða lengri ferðir og er þar oft góður félagsskapur, góð líkamleg hreyfing og útivera sem menn eru að sækjast í.
HJÓLIÐ SEM ÞARF
Það sem skiptir mestu máli að kaupa sér hjól sem er ekki of stórt og þungt.
Flestir byrja á að kaupa sér notað hjól, sem getur verið allt í góðu lagi. Þá er gott að ganga úr skugga um að viðhaldið hafi verið gott og dýrustu viðhaldshlutirnir eins og tannhjól,keðja gjarðir, demparar og vélin séu í góðu lagi.
ÚTBÚNAÐUR SEM ÞARF
Öryggisbúnaður skiptir miklu máli fyrir alla iðkendur íþróttarinnar án tillits til hvort um byrjendur eða lengra komna sé að ræða. Hægt er að kaupa sér notaðan eða nýjan öryggisbúnað.
Hjálmur
Enduro/Motocross skór
Brynja
Hnéhlífar/hnéspelkur
Enduro/Motocross fatnaður
Enduro/Motocross hanskar
Enduro/Motocross gleraugu
HVAR MÁ ÉG HJÓLA
Á götuskráðuskráðu (hvítt númer) endurohjóli má hjóla á öllum almennum vegum eða slóðum, Endurohjól á rauðu númeri flokkast sem torfærutæki og gilda um það sérstakar reglur sem eru svona:
47. gr. Almennar reglur um akstur torfærutækja.
Eigi má aka torfærutæki á vegi sem ekki er einkavegur. Þó má sá sem þarf að aka yfir veg aka eftir veginum skemmstu leið sem hentug er, enda geri aðstæður utan vegar það nauðsynlegt. Skal ökumaður torfærutækis í slíkum tilvikum víkja fyrir öðrum vegfarendum á veginum og nema staðar áður en hann fer inn á veg.
Gott er að hafa í huga að hjólð frá endurohjólum geta fælt dýr og valdið öðru útivistarfólki óþægindum, þess vegna stoppum við og drepum á hjólinu meðan hestamenn fara framhjá og keyrum rólega þar sem við á.
HVAR FINN ÉG UPPLÝSINGAR
Auðvitað eru best að fara uppí Bolaöldu og labba upp að næsta manni og spurja hann,við getum fullyrt að það er enginn félgasskapur sem er þægilegri hvað þetta varðar, það eru alli boðnir og búnir til að hjálpa í þessu skemmtilega samfélagi og lebeina mönnum í rétta átt.
Öll helstu umboð landsins eru:
KTM, GASGAS, HUSQVARNA www.ktm.is
Kawasaki og Beta www.nitro.is
TM Racing og Rieju www.jhmsport.is
Honda www.honda.is
Suzuki www.suzuki.is
Yamaha www.arctictrucs.is
Helstir í fatnaði og aukahlutum:
Púkinn www.pukinn.com
Helstir í dekkjum:
N1, www.n1.is
Klettur www.klettur.is
Góðar netverslanir með endurodót:
Helstu samfélagsmiðlar tengt enduro
Enduro á Íslandi
https://www.facebook.com/groups/1904982046441434
Enduro fyrir alla
https://www.facebook.com/search/top?q=enduro%20fyrir%20alla
Vinduro - Vintage Enduro á Íslandi
https://www.facebook.com/profile.php?id=100063458471139
Motocross og enduró dót til sölu
https://www.facebook.com/groups/183595528423440
KEPPNIR
Keppt er í enduro frá Apríl til Oktober. Annarsvegar er mótaröð sem heitir Enduro fyrir alla og eins og nafnið gefur til kynna er hún hugsuð til að henta öllum byrjendum og lengra komnum. Svo eru haldna stakar Hardenduro keppnir þar sem eru miklar hindranir sem reyna mikið á ökumann og hjól. Hægt er að nálgast keppnisdagatal á forsíðunni undir ENDURO/KEPPNISHALD
ERTU TIL Í AÐ HJÁLPA OKKUR
Það er fátt skemmtilegra en að gefa til baka, Allt okkar starf er borið uppi af einstöku fólki sem er að gefa til baka og gera okkur kleift að stunda þetta frábæra sport. Ef þú ert til að hjálpa okkur þá máttu smella skilaboðum á HÉR
